كيف العادة البارح فالعشية مشيت عند واحد المبربق ديال صاحبي ديما كانمشي عندو ياش نقرقبو الناب وندوزا الوقت غير التقشاب وشد فيا نشد فيك,شفنا واحد الشبشوبة دايزة من السيكتور مزوقة مفركسة مزيان وهو يقول ليا علاش كيقولو البنت حسن من الدري واش هاد الهدرة كاينة ولا لاواش البنت زايدة علينا فتفهوميت ولا لا,ولا زعما ديك الجقلة ديال العلماء لي كاينين دابا وزمان من الرجال فشلا حوايج :ادب ,علوم,فيزياء وزيد وزيد ...ما بانوش ليهوم زعماايه كاينين العيالات الفاهمات مانكروش ولكن العيالات دياولنا كايطصنطحو فشلا امورات خرى غير خليها وخلاص.
المهم بقينا كنجعوقوا تما وكل واحد يلوح فكرة من هنا ومن لهيه حتى عرفنا علاش البنت حسن من الدري ها السبب علاش
-الدرية كاتهدر على راحتها فالتلفون وباها ولا راجلها مسكين هوا لي خلص
-البنت ماخسرا والو عند الزواج داك المصنgع ديال لي بايخطبها ولا باها يدفعوا عرق جوفهوم باش يجهزوها
-تاحد ما كايشوف فالعرس لتفركيسة ديال العريس الكوستيم كولشي يبركك غير فحوايج العروسة واش تلبس فالبرزة
-منين دير شي حرgة ديال الستوب يجيها البوليسي تبدا تحلون عليه وتدوز اما الراجل مسكين البوليسي يعصروا تما هههههه
-شي وحدة جات معطلة لفاك سي الاستاذ يغمض العين ولا جا مسكين الدري معطل يقول لو سير اولدي كمل فين كنتي سير تشمش
-الدرية هانية ما تعطي والو ,الدري مسكين لا ماجبد يgولو تفو على شحيح وعلى شلح
-الدرية ايلا دارت شي زبلة وتخاصمات مع باها غير شي يوماين وترجع تحلون عليه ويصالحها اما الدري لا دارها يتري عليه من الديبار "بشااااااخ"
-المرة طول حياتهاوهوما يحزروا فيها ,تكون عندها عامين يكولو ليها يا جميلة الزوينة وتزيد 12 عام يقولو لها وليتي عروسة تزيد 18 عام يقولو لها يا قمر تزيد 40 عام يا هانم 50 عام يا ست الكل 60 عام يا ام الدراري
اما الدري مسكين طول حياتو وهوا زغبي عامين يقولو ليه اداك البرهوش 10 عوام اداك البالا اداك الجن ,18 عام وليتي قج الباب ديال الدار وما داير والو ,يزيد 40 عام وداك الراجل يزيد 50 عام وا عمي ما عم حد سير فحالك ههههه,يزيد يولي عندو 60 عام اداك الشارف سكتنا عليك خلينا نتفرجوا ف كوادالوبي ههههههه
هادشي الدريات فاش حسن منا ههههه ,وبقينا نجعوقوا شويية زيد جانا البرد تفرقنا كل واحد مشى يركد مشيت بقيت نخربش فواحد الورقة باش نكتب ليكوم هادشي .
ولاشارة شي شبشوبة دخلات قرات هادشي ما تقلقش ههههه راه غير لتقشاب والبسط
موضوع: علاش البنت حسن من الولد!!!! 
الإثنين 1 مارس - 13:37
